Reportaxe Noelia Lage
Fotografías Martín Lagoa

Podes notalo? O verán chega a Galicia. E con el intensifícase o fluxo de viaxeiros que dedican os seus días a percorrer as incontables marabillas que Galicia pon a disposición dos máis aventureiros. Un prato típico con sabor a tradición pero tamén a vangarda; a historia dun pobo que loita e se supera en cada etapa do seu camiño, a forza con que nos envolve a natureza exuberante, a delicadeza e sensibilidade que emana da cultura e mais o folclore galegos; todo se vai entrelazando no maxín de cada aventureiro para descubrires que, sen apenas decatarse, xa namoraron de Galicia.

Si, o verán xa chegou a Galicia. E con el as ganas de descubrir, de crear experiencias e, por suposto, de gozar da nosa natureza e das augas cristalinas que recorren a xeografía galega en forma de mares, ríos e lagoas. Entre os emprazamentos para o ocio acuático, Castrelo de Miño presenta unha oferta exclusiva, capaz de cativar os viaxeiros máis escépticos. Estamos a falar do Parque Náutico de Castrelo, unha zona axardinada de extraordinaria fermosura, que sitúa na ribeira do río Miño unha oferta turística que combina a actividade deportiva coa gastronomía, a música e a cultura.

Ao chegar ao Parque Náutico de Castrelo, a benvida vén da man do deporte. Non é de estrañar, pois trátase dunha actividade de grande importancia para o encoro, que acolle unha das tres pistas olímpicas de remo e piragüismo de España. Rodeados de montañas e co río Miño como protagonista indiscutible da paisaxe, os máis bulideiros atoparán o sitio perfecto para practicar deportes náuticos como kayak, vela, remo ou paddle-surf. Pero esta non é a única opción, pois hai para todos os gustos. Así, outros prefiren unha xornada de paseos, baño ou o alugueiro de embarcacións a pedais, moi demandado durante toda a época estival.

Si, o verán xa chegou a Galicia. E con el as ganas de descubrir, de crear experiencias e, por suposto, de gozar da nosa natureza e das augas cristalinas que recorren a xeografía galega en forma de mares, ríos e lagoas. Entre os emprazamentos para o ocio acuático, Castrelo de Miño presenta unha oferta exclusiva, capaz de cativar os viaxeiros máis escépticos. Estamos a falar do Parque Náutico de Castrelo, unha zona axardinada de extraordinaria fermosura, que sitúa na ribeira do río Miño unha oferta turística que combina a actividade deportiva coa gastronomía, a música e a cultura.

Ao chegar ao Parque Náutico de Castrelo, a benvida vén da man do deporte. Non é de estrañar, pois trátase dunha actividade de grande importancia para o encoro, que acolle unha das tres pistas olímpicas de remo e piragüismo de España. Rodeados de montañas e co río Miño como protagonista indiscutible da paisaxe, os máis bulideiros atoparán o sitio perfecto para practicar deportes náuticos como kayak, vela, remo ou paddle-surf. Pero esta non é a única opción, pois hai para todos os gustos. Así, outros prefiren unha xornada de paseos, baño ou o alugueiro de embarcacións a pedais, moi demandado durante toda a época estival.

O embalse é tamén punto inicial de diferentes percorridos. É o caso da viaxe en catamarán dispoñible durante os meses de verán, que permite aos turistas descubrir unha nova mirada ao val do Miño. E para os que teñen os pés ben afianzados na terra, desde o Parque tamén se inicia a ruta de sendeirismo Miño-Calvario-Coto de Novelle. Nela, as vistas dos viñedos mestúranse cunha ampla oferta de patrimonio natural e histórico-artístico. A medida que o sendeiro nos leva ao miradoiro de Coto de Novelle, punto máis alto da ribeira oriental do Miño na zona, van xurdindo miradoiros así como inesperados petróglifos ou fontes termais.

O restaurante que se sitúa no Parque Náutico, e que comparte con el ademais do fermoso emprazamento o nome, permite poñer o colofón á xornada deportiva a través da gastronomía. A nosa recomendación: unha cea con produtos típicos, como é o peixe traído de lonxas galegas, acompañada dun bo viño branco e dun dos máis fermosos solpores da zona. O viño, por suposto, non pode ser outro que un Ribeiro; Denominación de Orixe propia da comarca cuxos viños son frescos e elegantes, con marcados trazos atlánticos que non obstante conservan unha lixeira influencia do clima mediterráneo.

O deporte e a gastronomía non son atractivos acaparadores e sempre deixan un oco á cultura e a música. Así, as postas de sol e as noites estivais no Parque Náutico énchense de música da man de concertos e festivais, que acollen tanto talento galego como grupos nacionais e internacionais. É o caso do Ribeiro Blues Wine Festival, onde a música blues en vivo comparte escenario coa degustación de viños da zona; ou o ciclo Solpores no Náutico, que ano tras ano achega á comarca o panorama musical galego. O Parque acolle tamén, durante todo o ano, diferentes feiras tradicionais con mercados, artesanía, degustacións, música, etc.

O Parque Náutico de Castrelo ofrece así unha experiencia de luxo, completa e inesquecible que deixa con ganas de máis. Por sorte, a comarca do Ribeiro abre ante nós un abanico de posibilidades que permite alongar a estancia. Así, continuamos camiño por esta terra de suaves outeiros, a través dunha extensa riqueza natural, cultural e arquitectónica: exclusiva oferta termal cos máis afamados balnearios da provincia; visitas aos viñedos e bodegas da Denominación de Orixe; Ribadavia e o seu casco histórico… Podes notalo? O verán chega e, con el, as ganas de percorrer terras máxicas como as de Castrelo de Miño, como as da comarca do Ribeiro