Relata para un incendio esta fin de semana no salón teatro de Compostela
A compañía de teatro aAntena estará na no Salón Teatro de Compostela o 13 e 14 de Xaneiro, ás 20:00 horas co espectáculo Relato para un incendio, de Ernesto Is.
aAntena tras gañar a segunda fase da «Bolsa de Dramaturxia e Creación» impulsada pola Xunta presenta esta coprodución co Centro Dramático Galego.
RELATO PARA UN INCENDIO
«Que leva a un danés a preservar a identidade de Galicia? Que fai que unha galega queira reducila a cinsas?»
Relato para un incendio de Ernesto Is parte de dous sucesos verídicos acontecidos na comarca de Ordes:
Os estudos antropolóxicos de Gustav Henningsen en Ardemil durante a década dos 60 na procura dos últimos vestixios da bruxería en Galicia, e os incendios provocados por unha veciña de Cerceda no verán de 2016 , todo umbricado co cinema de C. T. Dreyer, agromando unha conexión temática coa nosa identidade como país.
A proposta escénica de aAntena, cunha decidida aposta polo teatro documento, expón con toques de humor unha revisión da figura feminina na historia recente e na nosa memoria colectiva.
Un espectáculo no que un elenco composto por tres intérpretes: Isabel Risco, Manu Fernández e Victoria Pérez, baixo a dirección de Xosé Leis, compoñen á vista da audiencia unha viaxe por eses tres eixos dos dous intelectuais daneses e a chamada «Pirómana de Cerceda».
Unha deriva onde acompañan os nosos ollos a un pasado recente dando vida ás veciñas e veciños da comarca de Ordes aos que entrevistou o antropólogo, recuperando e homenaxeando a esas
persoas que conteñen a nosa memoria de tradición, mitos e rituais. Compoñendo as personaxes a partires das gravacións reais arquivadas no Museo do Pobo Galego.
Un cuestionamento dos métodos creativos doutro danés creador que usou a figura da muller nos seus filmes como imaxe central e que plantexaba unha procura dos obxectivos do plano por riba da saúde e integridade das súas interpretes, sendo levadas a situacións límite na busca dunha verdade que quizais non xustificaba eses medios.
Unha reflexión sobre que foi o que levou a unha veciña a ser a única condenada polos catastróficos incendios do verán de 2016, sendo a única persoa con sentenza firme culpable polos feitos, aínda non chegando o seu mal facer ao 5% dos terreos queimados nese verán.
As bruxas, o lume, o castigo feminino como puntos fortes nos que apoiar unha posta en escena chea de audiovisual, recreación histórica, reflexión e humor.
FICHA TÉCNICA
Interpretes: Isabel Risco, Manu Fernández e Victoria Pérez
Dirección: Xosé Leis
Espazo escénico: J. M. Faro «Coti»
Espazo sonoro: Xabier Romero
Vestiario: Mar Fraga
Deseño Gráfico: Alicia Baña
Produción: Bernardino Martínez
Distribución: Urdime
aAntena
aAntena naceu coa misión de escoitar e atender esas pequenas historias que fan grande a nosa realidade humana. Unha compañía formada por Xosé Leis e Bernardino Martínez que xuntan os
seus camiños no 2016.
Establecendo dúas liñas claras de traballo:
Igualdade: promoción de proxectos que fomenten a xustiza social: espectáculos, festivais, obradoiros de Teatro Comunitario como As voces das mulleres.
Recuperación do noso patrimonio invisible: tradicións, recuperación de espazos singulares, persoeiros esvaecidos na historia, a nosa identidade como Naufraxios
Facebook / Instagram: @aantenateatro
Relato para un incendio:
Queres ollar outros contidos relevantes?
Juan Mera
O rei do ring
Xosé Manuel Beiras
«Sempre souben que nunca ía ser presidente»
Margarita Ledo
«Son xornalista por un fake»
Xesús Couceiro
«Nunca tentei vender un libro»
